...............
م/عبالحميد سالم
...............
( حلة المحشى ) م/عبالحميد سالم
لأ لأ كده يا برد أووفر أووفر
لا نافع فيك بالطو ولا بلوفر
محتاج لكنكة شاى ع الراكية
ولو هتلسعنى الولعة ف الضوفر
***
مشتاق للكانون أبو حلة المحشى
ورصة فوق رصة وأمنا بتحشى
كنت اقعد جنبها أكل رز نى ف نى
وتقوللى أصبر وتذغدنى فى كرشى
****
ويا حلاوتك يا محشى لما تتندى
وف الصبح نفرقك ولا حد يتعدى
كانت أيام لله يرحمها ويرحمك ياما
صيفها وشتاها جبر والعمر ما هدى
ليست هناك تعليقات:
إرسال تعليق