.............
السيد علي القن
...........
((( طابع الحسن )))
طابع الحسن اللي فيكي
خفة جمالك لون عنيكي
بيفكروني بيوم ماشفتك
لما قلبي داب ف حسنك
وانشغل ياحبيبتي بيكي
من يوميها و قلبي حبك
واشتري قربك و خاطرك
وابتديت أحلف ب أسمك
يا أغلي عندي من وجودي
كل شئ حلو في حياتي
باستمده أنا من وجودك
ما أنت بالنسبه لي دنيا
وانت بالنسبه لي شمس
لما كل الكون يضلم
نورها في القلب يعلم
طابع الحسن اللي فيكي
كل يوم ب يزيد جمالك
والحنان اللي في طابعك
أصله من لمسة ايديكي
يبقي ليه أنا ما أشتريكي
ومن غرامي بموت عليكي
طابع الحسن اللي فيكي
خلا كل الناس تحبك
ألا أنا من عشقي ليكي
مستحيل أفكر في غيرك
طابع الحسن اللي فيكي
خلا قلبي بيكي يحلم
و ف منامه بيناديكي
وإن في يوم غبتي عنه
يجري و يدور عليكي
طابع الحسن اللي فيكي
كل يوم ب يبان عليكي
حتي من ضحكة عنيكي
كل يوم يحلو أكتر
من جماله تهت فيكي
كلمات الاديب الشاعر.د. /السيد علي القن
ليست هناك تعليقات:
إرسال تعليق