....................
عبد اللطيف السرار الأديب المغربي
.................
قصيدتي نبغيها مغربية
بنت بلادي الغالية الحبيبة الجميلة
سبات قلبي وعقلي ملي عرفتها مغربية
راجحة العقل واسعة الخاطر
والله منختار غير بنت بلادي
ولو قدامي جميع نساء الكون
متحلى لي غير هي المغربية
تفهم كلامي تعرف سري ومرادي
.واش داني لغيرها
ماتعرف معنتي وعلتي وغرامي
ومازال نغير على بنت بلادي
ومانبغي لي يخسر ليها خاطر
ولي يرشها بالماء نكويه بنار
ومعمروا يدخل لقلبي
ومازال نهجروا ولو يكون حاضر
بنت بلادي غير حكمي وأمري وهدري
ولي تبغيه وتمنيتيه نحضروا بين يديك
ومايهمني غالي ولانفيس
وحتا تعود لبسمة لشفايفك
وتحلى مهجتك وتسعد روحك
عاد نولي سعيد مبشور منور بعطرك الفياح
وثغرك الدواخ وقدك الميال
يالريم الهالكة عشقي وغرامي
المقادي صبري
بالله عليك حني وارحمي
وعنداك تحكمي بلا متقدري الغرام
وعشقي وسهري الليل
نحسب النجوم ونرسم القمر
وتخاصمني الكواكب
ملي تعرف اني رسمت
صورتك بدل القمر.
وتعاتبني الشمس
وتكول لي انت سهرتي مع النجوم
ورسمت حبيبتك
ونسيتي عريسي القمر
ونحلف ونكول والله مارسمت
غير قمر الزماني وأيامي
ولي على بالي ومزعزع خاطري
ومحير امري
بالله عليك يالحبيبة جودي
وحكمي واشفقي وارحمي
نقاسي ونتعدب من أجل غرامك
ومتحلى ايامي وتسعد الليالي
حتا تعودي لرشدك
وتعطفي وتحسي بسقامي
ودوقي غرامي
عبد اللطيف السرار الأديب المغربي
ليست هناك تعليقات:
إرسال تعليق