..................
السيد علي القن
......................
((( ونختلف أوقات )))
بنختلف اوقات
ونتفق اوقات
والحب زي ماهوه
جوانا عمره ما مات
ونتغرب ساعات
ونتفرق ساعات
و لسه في ما بينا
كتير ياما حكايات
وتاخدنا الحياة
وتجيبنا الحياة
تنسينا الأهات
ترجع لينا ذكري
من ماضي الذكريات
واتاري اللي مابينا
أكبر من عمر فات
ويعدي العمر لحظه
ويسيب لينا ملاحظه
فيها كتير م العظات
ولسه الدنيا ماشيه
ولسه الدنيا فاكره
لينا كتير حاجات
و لا مره يأسنا يوم
ولا شيلنا الهموم
وشفنا الدنيا حلوه
و شفنا الدنيا مره
ولا اتغيرنا يوم
ولا جبنا عليها
في مره آي لوم
ونختلف اوقات
ونتفق اوقات
و لسه الحب ساكن
قلوبنا ليوم الممات
كلمات الاديب الشاعر.د/السيد علي القن
ليست هناك تعليقات:
إرسال تعليق