.................
عبدالله رجب ابوعدنان
................
اجمد يابا سويلم
اكمنه مات الحلم
تزعل وتغتم
وتطاطي راسك
ياما عدت علينا أهوال
والهم فينا جبال
وكل واحد بيقول عال العال
ومن قدام باب الجامع
سرقو مداسك
أرض الغلابة موصوفة بالحزن
سديري وبشكير قطن
ديك النهار العدل لفوة ف كفن
وطلعنا الدفنه
وبكينا على أوجاع الوطن
والنعش كان حراسك
اجمد وكفيانا أحزان
بكره يصحى الحلم
ونزرع قمح مليون فدان
وزي كل الخلق نفرح
و نحسن ب الأمان
ونداوي عمر ها م الجرح
وترجع اقوى مما كان
وترفع ف العلالي راسك
ف أرض الغلابة راضيين بالغلا
ندعي ربنا ف كل صلا
شيد حيلك
قوم جهز العزا
وخد الأمل تحت جناحك
ياة يا شيخ عتمان
دانا كنت نسيت إن انا إنسان
دايرين ف الزفة بقالنا زمان
اتغيرت وشوش
وكله فالصو ومغشوش
ودايما نلعب حلق حوش
ومش فاكر غير حاجة واحدة
الجوع والحرمان
والحظ يوم ما باسك
أرض الغلابة..
عبدالله رجب ابوعدنان
ليست هناك تعليقات:
إرسال تعليق