..................
المحجوب بوسبولة
.................
////////++++ديك نحلة++++////////
ديك نحلة في ارضك ترعى
ترشف رحيق كل لزهار برضاك
من وحدة لوحدة لك تسعى
مالكها لالة سر هواك
معذورة لالة عشاقة
هذا حالها ف حضن طيبك
وا كيف تتخبة ذواقة
وسط لحقول وبسمة عبيرك
وانا فوق ارضك دكالة
بعيوني لالة نتسارى
يازينة المقصد والحالة
كل حاجة ناظرها جهارة
شايف اطيورك امحلقة
شايفها ف سماك مغردة
اسراب مجموعة مامفرقة
تحكي شوقها لديك الوردة
نهر ام ربيع بزوارو
يحلى معاه لحديث والقول
كل عشاقو لالة حارو
سالب بمواجو كل لعقول
ترتاح لحروف في حضن دفاه
وتصبح وتمسي اعليه
ربي للي وضعو هكذا بغاه
وانا واحد منهم نبغيه
نصمت لاكن عشقو يكلم
يترك للي فيا باش يبوح
وبحسن احروفو ننعم
ديك المالكة سر البوح والروح
بقلم صقر الحروف الزجال المحجوب بوسبولة
ليست هناك تعليقات:
إرسال تعليق