................
بوسبولة المحجوب
................
/////////+++مزينك +++////////
مزينك ياثربة جدادي
يامنوضاني من ارقادي
ياك طليت عليك بكل حرف
وطيورك قالت اتشرف
لما شفتها اتكلم البوح
لزهار لقدومي ليا تفوح
لمريرة وصلتني لناسي
وانا الشوق والعشق لباسي
سيدي عبدالرحمان يرحب
في داك لمكان وحدو مغرب
راحو الطلبة وفين الجامع
وصخرمصقول حزين دامع
اعبرت داك الواد الدايز
وانا بحب هد لمكان فايز
سبحان الله سر بهاها
والخضرة فراشها وسماها
سلمت فطريقي على قبايل
وسنابل قدامي تمايل
كرمة تسلب بثيناها معلي
وجنانات لعنب لمدلي
سمحي يامساعدة طال لفراق
نقسم بالله فايت العشاق
اسرقتي مني لعقل اليوم
سافرتي بيا نهار ونجوم
وبعيدة وخيالي يجيبك
وانا نشرب من ضرع حليبك
حرفي وصلك لمقام عالي
ياساكنة دواخلي وهد بالي
سلمي ليا اعلى صوالحة
لعبادلة في حسن الراحة
في بن يسف بني لخيام
لهواشمة بسمة ديك ليام
لعساكرة بلغي اسلامي
طلقي فسماهم عز حمامي
وحنا شرفة ماطال زمان
نقراو السيرة والقرءان
//////+++بقلم صقر الحروف الزجال بوسبولة المحجوب +++//////
ليست هناك تعليقات:
إرسال تعليق