..............
ادريس محمد ابو علي
.............
منادمة بيني انا ادريس محمد ابو علي وبين الملك طلال ابو سلاف لأصحاب الذوق الرفيع عسى ان تنال إعجابكم
🌹 ادريس ابو علي🌹
ياريم الفلا ليتك بشي ارعي
تشوف الزينه إذ تدخل بشرعي
امانه حين مامرقتي بشارعي
امشي عالهدا ناطر عالبواب
🌹طلال ابو سلاف🌹
ياريم الفلا بدلالي بس رعين
طيفك فرح لقلبي بسر عين
عدربك جد يا ولفي بسرعين
لالحق بالعجل لضعون الحباب
🌹 ادريس ابوعلي🌹
ياريم الفلا جيتك ب حر عين
إلك الدم من قلبي بحر عين
دموع الشوق لما بيحر عين
أشعر بالعمى وأوقف عالبواب
🌹طلال ابو سلاف🌹
يا ريم الفلا يا سارح بمرعين
حرام الميل من بعد بمر عين
خناجر صدرك بقلبي بمرعين
ولحاااظك صوبوني بالهداب
🌹 ادريس ابو علي🌹
ياريم الفلا ريامي لما رعين
شعركن غير بالهنه لمرعن
إذا بالليل رح تشرب لمر عين
وأملي الك من اطيب شراب
🌹طلال ابو سلاف🌹
يا ريم الفلا بدلالي مسا رعين
الدليل وصرتوا لغيري مسرعين
انتحل جسمي عفرقتهم مسر عين
العزول الكان يشفيه المصاااب
🌹 ادريس ابو علي🌹
يارم الفلا قلتلك مها رعين
بقربي أبد لاتصيرو مهرعين
الك من عندنا تكرم مهر عين
وعزولك ادفنو بسافل تراب
🌹طلال ابو سلاف🌹
ياريم الفلا بدلالي متى رعين
كبرنا وصرنا في حبك مترعين
الفصيح مات عدريبك مات رعين
ولا قدروا ياخدو منك جواب
🌹 ادريس🌹
ياريم الفلا بالمرعى حترعين
صار الدلال من شحو حتر عين
نطرت الولف تيعاود حتى رعين
وعطيتو اسم عنواني بالكتاب
🌹طلال ابو سلاف🌹
يا ريم الفلا بدلالي غدا رعين
والك من مناهلنا غدير عين
كل ما سمعت قصة غدر عن
لاني من قبل غدروني الحباب
🌹 ادريس ابو علي🌹
ياريم الفلا ناطر تشي رعين
قبل ماتجي بحكمك تشرعين
انحكمت إعدام صارت تشر عين
دم ودمع من غدر الحباب
🌹طلال ابو سلاف🌹
ياريم الفلا افكاري تقرعين
بشوفت طيفك الساحر تقر عين
يا جبران المتيم لو مرة تقرا عن
قصتي نسي مي وما الها كتب
🌹 ادريس ابو علي🌹
ياريم الفلا باحوالي تشفعين
كنتي ترأفي لما تشوف عين
قلبي مات رأفه تشي في يعين
وقت ماشفت الحاح الطلب
🌹طلال ابو سلاف🌹
يا ريم الفلا بكتابي تطلعين
وقعتي بالهوى لو فيكي تطلعين
زولك بعد ما تقدر تطال عين
زرقا اليمامة اغشاها الضباب
🌹 ادريس ابو علي🌹
ياريم الفلا لما ترى بعين
عنبعة مية الوادي تربعين
اليمامه مصوره شفتا ترب عن
حالي وحالها ودع للشباب
🌹طلال ابو سلاف🌹
يا ريم الفلا بمرتعنا ترتعين
تركتي الروح تلفانة ترى تعن
عين بعين قابلتا ترات عين
وتاري ما انتسى لو شاب الغراب
🌹ادريس ابو علي🌹
ياريم الفلا ماعنا ترى معين
تركني الولف لحالي ترى معن
جار الزمن لقليبي ترم عن
الوريد وقطع بقلبي العصاب
🌹طلال ابو سلاف🌹
ياريم الفلا في عنا بس معين
الاهي ومن منو بس امعن
يبلاني بطرش لو خنتك بسمعين
واعمى انكنت خاين للحباب
🌹 ادريس ابو علي🌹
ياريم الفلا غيثيني بالمعين
مريض اشتكي ياريمي بألم عين
الك صرت عم ادعي بالمعين
ألهي يحفظك ربي المهاب
🌹طلال ابو سلاف🌹
ياريم الفلا صايبني مرض عين
صغيرة وبالنهد كنك مرضعين
انشدك بالنبي من يمك مر ضعين
الحبيب اللي تركني وانسحب
🌹 ادريس ابو علي🌹
ياريم الفلا ليتك في رضعين
ترعي زهور تجنيها في رضعن
وقوفي بجانبك فرض عين
حبيبك إن نسي مامننسا الوجب
🌹طلال ابو سلاف🌹
ياريم الفلا بدريبك مشا لعين
قتلني وفتت كبادي مشلعين
كتير عالبعد بكفوفي مش العين
الحزينة انجرح خدي والهداب
ليست هناك تعليقات:
إرسال تعليق