ديوان أكاليل الإلكتروني لسفراء القلم

.........

هذيان قلم :
: محفوظ البراموني :

.............

طولها زى عرضها ..

إعمل إنك ..

مبسوط آيوه ومظأطط ..
خلي الناس فيك بقى تتلخبط ..

إوعي تمسك في الهم و تتشعبط ..
خليك مداري ولو فيها هتستعبط ..

إضحك و لو ف عينك دموع ..
إبكي لو ف قلبك خشوع ..

أرقص و داوي أى جروح ..
داويها و خليها دايما تروح ..

ما تستسلمش ..
ل أى احزان ..
ما تنمش ..
نوم الزعلان ..

المكتوب مكتوب ..
المشطوب مشطوب ..

أيامك مخطوطة ..
أقدارك محطوطة ..
ع الأرض مظبوبة ..

تنفذها هتنفذها ..
هتعمل مفتح هتخربها ..

كله مكتوب عليك ..
وافقت ..
و لا ..
رفضت ..
حبيت ..
و لا ..
كرهت ..

ما عليك ..
هتنفذ يعنى هتنفذ ..
زعلت ..
و لا ..
إتبسطت ..

التنفيذ هو القدر اللذيذ ..
إوعى من رفض الأقدار ..

تعيش ف لوعة و تحتار ..
علشان مش من حقك الإختيار ..

نفذ و أمرك لله يا إنسان ..
تعيش ف روعة الأمان ..

طالما من عند ربك مكتوبة ..
نفذ قدرك مش هتلاقيها مخروبة ..

نفذها ب دون إنهيار ..
نفذها و لا تحتار ..
نفذها ب كل إختيار ..

نفذها ب كل الأحوال ..
نفذها ب كل الأحمال ..
نفذها ب كل الأطوال ..

أصل طولها زى عرضها ..
أوعى تحسب هتتعب ..
سيبها ماشية هتكسب ..

أخرتها نهاية ..
زى ما كان ليها بداية ..