........
أحمد طلبه
........
خلصانه
أوقات قلوبنا بتتعلق
بقلوب ندوب فيها ونعشق
مشاعرهم فعلاً تتصدق
ودي ناس خدعونا بكلامهم
وعدونا صعب نتفرق
وسابونا ببحورهم نغرق
وأتاري الوهم دا بيسرق
العمر ويضيع قدامهم
💔💔💔💔💔💔💔
اخرتها تبقي دي خلصانه
من ناس ماتعرفيش أمانه
ولاهمهم هنحس بإيه
من فرحه تقلب بخيانه
ولا حاسو إيه هيكون بينا
والدنيا دي فاضيه علينا
لو هما فعلاً مش لينا
وعادونا ليه يبقو معانا
دا القلب عاش يخلص ليهم
عالحلو والمر شاريهم
لو كان وجعنا هيرضيهم
يبقي الحكايه دي خلصانه
وادي النصيب اللي علينا
إن احنا نندم بسببهم
خلي اللي فينا مكفينا
بكفايا شوفنا كتير منهم
وعدونا صعب نتفرق
وسابونا ببحورهم نغرق
وأتاري الوهم دا بيسرق
العمر ويضيع قدامهم
💔💔💔💔💔💔💔💔
نندم لكن مش بالساهل
بس الصراحه نستاهل
إزاي قلوبهم تستاهل
كل الغرام منا عشانهم
لايفيد كلام وعتاب فيهم
علشان لا هيأثر فيهم
بأمانه ربنا يهديهم
علي قد. فعلاً نيتهم
وعدونا صعب نتفرق
وسابونا ببحورهم نغرق
وأتاري الوهم دا بيسرق
العمر ويضيع قدامهم
💔💔💔💔💔💔💔
أحمد طلبه
ليست هناك تعليقات:
إرسال تعليق