.................
هشام سليم
..................
اغضب
بس إياك من أذاها
اضرب
دمّر مين عاداها
جرّب
علّي صوتك
اوعي بس تطرشها
طالب بقوتك
من قلبك اوعي تكرشها
حبها حب موت
من طرف واحد
بالسكوت
مش مهم هيه تحبك
أو حتي يوم تلاقيها جنبك
حِبها ماهية أمك
مهما تعمل
مهما تهمل
برضوا هيه شايلة همك
بتشخط فيك
بتربيك
خايفة عليك
يجوز بالشمعة
يوم تلسعك
وتنزل دمعة
وفين يوجعك
برضو أمك
مهما فرْقت بين الولاد
رغم العناد
رغم القساوة
اللي بغباك
فاكرها غباوة
أمك حبيبتك دلّعها
اوعي بغلطة تولعها
اقفل عليك وعليها الباب
اوعوا تسمع لصوت خراب
قول لأه للإرهاب
الحب إن غاب
حنبقي ذئاب
جوه الغابة
نعيش غلابة
احسن مانبقي مشردين
بين البلاد نكون لاجئين
اوعي تبقي ابن عاصي
اقف معاها ف المآسي
قول دي أمي
مداسها كل يوم علي راسي
علي راسي علي راسي
د.هشام سليم
شاعر الحرافيش
ليست هناك تعليقات:
إرسال تعليق