.........................
عبدالله محمد حسن
..................
حبيبي ياغايب
ياحبيبي ياغايب
فينك وفين لياليك
باسهر لياليا
لنظرتك ليا
اشتاق للمسة إيديك
لفرحتك بيا
ياما سهرت الليل
وياك علي أغنية
تضحك أنا أضحك
تحب الملاغيه
ياحبي فين أراضيك
مر الزمان بيه
بسأل عليك الناس
وشوقي في عنيه
قالوا بعدت بعيد
اتمني تبقي سعيد
أمتي تعود ليه
ياللي رموشك ضل
أنا قلبي مش هيمل
كل ماشوف اتنين
أقول يمكن تكون هيه
رجعت لي بعد غياب
في عينيها شوق وعذاب
مليانه حنيه
انادي بإسم الحب
ذكري غرام القلب
يرد شوق فيه
حبيبك راح لبعيد
حبيبتك مش هيه
أقول ماشي سلام
يكفيني في الاحلام
أشوفها بعنيه
أصحي على تنهيدة
أمد الايدين ترجع
أسأل فؤادي هل
زارت ليالي الحب
جابها تاني القلب
عرفتني شافتني
سألت عليه وراحت
من غير ما شوفها هل
هتيجي تاني أكيد
ونحلم بفجر جديد
واللا ضجيج الحياة
خد هوانا معانا
نيسينا عشان ننساه
والحب ساب ذكراه
أحكي ياقلبي وعيد
قصة هوي قلبين
الأيد كانت في الأيد
والحلم كان مرسوم
والحب كان بيزيد
لاخوف من الايام
ولا حتي فيه ٱلام
دلوقتي كله بعيد
شعر
عبدالله محمد حسن
مصر
ليست هناك تعليقات:
إرسال تعليق