....................
مصطفى بلغيتي علوي
.................
العشق في فاس
العاشق اهل فاس،
الى عنده الحب أساس،
يلقى بنت الناس.
لباسو فيه الاناقة، تجيب ليه الرشاقة،
يصبح مصاحب مع الحلاقة.
من كبار العشاقة،
يحب باللباقة.
يدخل للبيت فيه تيه،
الزليج بروعة منقوش فيه،
الساقية بماها ترويه،
الورد والزهر داير بيه
يعشق البيت و لي فيه،
ترجع ليه الروح والهوا،
يقول الحب هدا هوا.
يولي العشق نشوة،
ما يعرف مرض ما يعرف دوا.
طلب السلامة من ولاي ادريس،
راه يردك أحمق الى وليتي ابليس.
الزين ما يبيع نفسه رخيص.
قم بالزيارة للأولياء والاضرحة،
قلبك يشعر بالفرحة، عينك ما تشوف القبيحة.
ليلة الدخلة اليد ما تكون بخيلة،
لا تنسى الصبحية بعد الويلة.
قالوا ناس فاس زمان،
العريس المبروك يبان،
ملي يكون راكب الحصان،
الى تحكم في اللزام،
يكون في الحب امام.
مصطفى بلغيتي علوي
Le 18/05/2021 TDR
ليست هناك تعليقات:
إرسال تعليق