....................
نجم الدين محمد
.....................
البطاطس تلقاها ديما زي البشر
في منها نوع خفيف للتحمير
والتاني للطبخ ناشف كالحجر
تلقى انسان يستظرف كالحمير
أ و تلقا الآسي وبأخلاقه فجر
او. واحد صاحبك يفضح و يشير
تلقى بطاطس بايظة ومعطوبة
أو بشر ترمي الكلام زي الطوبة
تلقى بطاطس ما تحكمشي رصّتها
وتشوف بشر ما تفهمشي رقصتها
تلقى بطااطس اشكالها حلوة لاكن موكوسة
وتشوف بشر زينتها حلوة لاكن زي السوسة
في بطاطس جميلة سخنة مقرقشة
و ناس فريش جميلة قاعدة مفرفشة
في بطاطس مفعوصة مهروسة زي البنيآدمين
وناس بالدنيا مفتونة مهووسة بتحب الملايين
في بطاطس غالية عشان طعمة لزيزة
وتشوف بشر عالية فقيرة لاكن عزيزة
البطاطس الطازجة برة الثلاجة ماتعيش
تلقى البشر امزجة في كل حاجة تعيش
ابن الحرام لو مليونير يقوللك معييش
وابن الحلال يا رب باركله يسلم ويعيش
الشاعر : نجم الدين محمد
القاهرة . مصر العربية
ليست هناك تعليقات:
إرسال تعليق