....................
محمد البراقي
...................
"اوْلاَدْ بَنِّيكْسْ"
اوْلاَدْ بَنِّيكْسْ
تْگُولْ مَا قْرَاوْ
فْعَايْلْهُمْ
فْعَايْلْ إِبْلِيسْ
مْقَابْلِينْ
غير التَّسْيِيسْ
مَا عْرَفْنَاهُمْ
مُوَاطِنِيينْ صَالْحِينْ
ولا جَوَاسِيسْ!
اوْلاَدْ بَنِّيكْسْ
مْنَاحِيسْ
مَا بْغَاوْ لِينَا خَيْرْ
كَيْتْمَنَّاوْ لِينَا
غير اتْكَرْفِيسْ
شحال ما گَعْدُو
غَيْجِيبُوهَا
في الْكَتّرْفَانْدِيسْ (90)!!
اوْلاَدْ بَنِّيكْسْ
لَبْسُو الْقَرْدْ
لباس لَعْرِيسْ
بَالْفَرْحَة تَيْرَقْصُو
عْلَى إِيقَاعْ اتْوِيسْ...
اوْلاَدْ بَنِّيكْسْ
مَا يْعَاشَرْهُمْ غِيرْ التْعِيسْ
بَاعُو شَرَفْهُمْ رْخِيصْ
حَرْفَتْهُمْ مْسِيحْ الْكَابَّة
وَلْحِيسْ....
اوْلاَدْ بَنِّيكْسْ
مَوْلُوعِينْ
بْلَخْدَعْ وَالتَّدْلِيسْ
مَا هُمَا عْرَبْ ولا فْرَانْسِيسْ
بَاشْ يْدَمْرُونَا
ضَحَّاوْ بَالغَالِي وَالنْفِيسْ!!!
30/7/2022
بقلم محمد البراقي
ليست هناك تعليقات:
إرسال تعليق