..........................
وحيد محروس
..................
(( ياللي بعتونا ))
أغنية شعبية
ياللي بعتونا وما أفتكرتوا
حتى عيشنا وملحنا
ليه جرحتونا وما أقدرتوا
تراعوا فينا ربنا
ياللي بعتونا
ياللي القسوة مالية عنيكم
ليه كسرتونا الله يجازيكم
سلمنا الأمر لربنا فيكم
قادر يجيب لنا حقنا
ياللي بعتونا
ياما سقيتونا عذاب ومرار
وكأن مابينا وبينكم تار
وغلبنا نبرر في الأعذار
وياما راهنتوا على ذلنا
ياللي بعتونا
خليتوا حياتنا عذاب وويل
وطريق للشر مابينا طويل
سهارى بنبكي طول الليل
من بعد ما ضيعتم عمرنا
ياللي بعتونا
لو فاكرين المال راح ينفع
ولا في الآخرة ليكوا هيشفع
غير للي لصوت العقل هيسمع
مش إللي أصر على ظلمنا
ياللي بعتونا
ميزان الدنيا وشه حديد
وميزان الآخرة تعيس وسعيد
والكل على نفسه هيبقى شهيد
ودا من حكمة ربنا
ياللي بعتونا
بأعمالنا بنحدد مصايرنا
فبلاش نرمي اللوم على غيرنا
ياجنة يانار إحنا إللي إختارنا
ومش مغلوبين على أمرنا
ياللي بعتونا
وياريت نتقي شر الشبهات
لجل تزيد لينا الحسنات
ونفوز بنعيم الجنات
زي ما وعدنا ربنا
ياللي بعتونا
ياللي بعتونا
بقلمي الشاعر/ وحيد محروس
ليست هناك تعليقات:
إرسال تعليق