.......................
محمود فوده
..................
أنا بحترق
قايد شموعي بين ضلوع قلبــي احتــرق
وكفايه عمري اللي فــات شفتــه اتســرق
لا قادر اعيش عمري اللــي باقي في الهنا
واشمعنا انا قصة حياتــى كلها حبـة ورق
--------★------★---------
شمعــه لحبيبـي قايـده حب وشوقي ليـه
نورها الغرام والعشق هايــج ماللي فيـــه
لو غـــاب عليـــا فــي دنيتـي احتــار انـا
وكأن قلبـــي من الغيـــاب مقفـول عليــه
--------★------★---------
وشمعــه قايــده وسط نار هجــر وخصام
وقلوب مريضه تشوف وجعها بدون كلام
فيها اللي كانوا بيحسدوني في ضحكتـي
وانا أصل صوره مبهمه في وسط الظـلام
--------★------★---------
فيــه شمعتين دول نــور عنيا وفرحتـــى
قلبي الحــزين قال نور هواهـــم دنيتـــي
لو شفت نور شمعــه انطفــى اجري عليها
قبل اما أتوه لحظه في خيــالي وسكتــي
--------★------★---------
عايش حزين وجـــوه قلبـــي الحــزن ساد
معرفش ليه أنا من يومين ليه سهــري زاد
وبدأت أفكر في الهموم وحـــاولت اقـــوم
لقيت حيـــاتى استعبـــــدتها سنين حــداد
--------★------★---------
أنا قلبـــي من كتر الوجـــع قالوا عنـه مات
والروح تنازع م الألــم من غيــــر آهااااات
وصفونـــي ليــــه زي الجبـــل حمال هموم
إحساس يموِّت كل شـــــئ فــــي الذكريات
--------★------★---------
الكل شــــايف نفســـــه قـــــــــدام المـــرايا
مبســـوط وراضي بدنيتـــه فيـــها للنـــهايه
أما أنا اليأس حاوط ضحكتي حالف عليــها
قال لما اموت إبقــــي إبدأي معاه الحكايــه
--------★------★---------
من ديوان على قد الشوق
بقلم الشاعر محمود فوده
ليست هناك تعليقات:
إرسال تعليق