..............
وحيد محروس
.....................
(( أخدتم إيه ))
أغنية شعبية
أخدتم إيه
لما فرقتم مابينا
والهجر عذبنا وشاغلنا
وكأن عمرنا ما أتقابلنا
ودا إللي قدرتم عليه
أخدتم إيه
أخدتم إيه
لما قولتوا إللي مش فينا
وكتر البكا جرح عينينا
وبسببكم ياما تأذينا
دا القلب فيه إللي مكفيه
أخدتم إيه
أخدتم إيه
لما جيتوا كتير علينا
والفراق بناره كاوينا
وكان عشمنا الزمان يراضينا
ضيعتونا وهنعمل إيه
أخدتم إيه
أخدتم إيه
لما بسببكم ياما أتظلمنا
وحلمنا ضاع قدامنا
وبجد فيكم إحنا أتصدمنا
والظلم مين يقدر عليه
أخدتم إيه
أخدتم إيه
أخدتم إيه لما أتجرحنا
وبكتونا في يوم فرحنا
بعد ماجينا كتير على روحنا
بكام بعتونا ياناس وليه
أخدتم إيه
أخدتم إيه
لما دبلت جوانا ورودنا
وماتت في قلوبنا وعودنا
وزي ماروحنا آدينا عدنا
دا إللي بيعمل خير بيلاقيه
أخدتم إيه
أخدتم إيه
بقلمي الشاعر/ وحيد محروس
ليست هناك تعليقات:
إرسال تعليق