..................
؛ نذير دهان
...............
خربشات
******
وداع
******
بدك تروحي؟؟ ،،مع السلامه ياروح
روحي وخللي هالقلب مجروح
ولو بتسأليني ايمتى جرحي يطيب.
ما يبرأ جرحي الا روحي تروح
******
غزل
******
قللي حبيبي لاف،، أنا قلتلو لافين
قللي انت الروح قلتلو أنت العين
الغزل ما بيننا طاف عشنا ساعات ظراف
عرف جيوبي انضاف هجرني بعد يومين
***********
لأغلى الغوالي
***********
لوكان قلبي من الجنب ينشال
وأيام عمري تنجمع بسلال
بعمل فؤادي وعمري باقة حب
وقدمن ليكي ياامي مني حلال
*********
واعي
*********
قالتلي يا صبر ايوب
بحبك وفيك بدوب
قلتلا حلي عني
مابمشي هيك دروب
***************
طبيناوالاجر على الله
***************
ضحكتلي وقالتلي يارب
ما بيننا يجمع حب
استحليتا واتجوزتا
ماشفت منها غير كرب
**************
هادا اللي صار معنا
**************
ياسيجاره قطعتي نفسي
قولي شو اللي بيني وبينك
أبوسك وانتي بتمي بتفسي
حطي حصوة ملح بعينك
********
بتفرج
********
دقيت باب العم ايوب
ت أشحد منو شوية صبر
قللي روح عن ذنبك توب
ربك وحدو صاحب الأمر
*****************
شعر ؛ نذير دهان
ليست هناك تعليقات:
إرسال تعليق