.................
بيكيا روبابيكيا
...................
************( بيكيا )
24/6/2022
مجاهد عبدالهادي
بيكيا روبابيكيا
انا ببيع مش بشتري
بيكيا روبابيكيا
عندي حاجات جديده
علشان خلصت الحاجات القديمه
مين قال هات بيكيا
عندي توكتوك اخر مسخره
وشبوه وسنجه مدوره
وشباب ضايع بقت حياته مدهوره
و تقليد ومنظره
بيكيا روبابيكيا
خلصت القيم والمبادئ
وبقت حياتنا متأخره
بنقلد الغرب في كل شيء
لحد ماجينا ورا
حياتنا أصبحت افلام عبده موته
والبنطلون والقميص المقطع
على كل لون لبسه بنت وولد
وقعدة نواصي والاغاني الهابطه
لحد طلوع الفجر
وياسلام لو حصل حاجه
بنكبر الوضوع
صباح الخير يا بلد
يا شعب يا شباب اليوم والمستقبل
يا اهل العلم والثقافه والأدب
والحب والتضحيه واااه من الحب
كان زمان والتضحيه خلصو خلاص
والتعليم والثقافه في أدب الحوار
اليومين دول بقوا حلة ملوخيه
والشوربه عايمه على المايه
من كتر شرب المخدرات
بقت الشوربه عايمه على المايه
وماشيين دايخين
عمالين نخبط في بعضينا
والصح بقى غلط والغلط بقى صح
بيكيا روبابيكيا
بقت حياتنا فتونه
قلة ادب
والكل واخدها فتحة صدر وبلطجه
بيكيا روبابيكيا
يا خساره يا بلد
ليست هناك تعليقات:
إرسال تعليق