...................
جمال حلمي ابراهيم عامر
....................
الٱسية فتحت مدرسة
بقلمي / جمال حلمي ابراهيم عامر
.............................................................................
الٱسيه فتحت مدرسة
ف زمن مات الأثور
رفعت شعار الٱسى
فوق كل خير له ظهور
زمن الأثور اندفن
وبقا عضم داخل القبور
لا عاد أثور يازمن
ولا عاد كبير له دور
كتير عمل دكر
وسحب بساط الأمور
ونصب نفسه الدكر
رغم الفشل ف النور
بضحك صحيح ع الفشل
لما يكون له مُدير
وبحزن بجد عليه
لما الفضيحة تدور
زمان كبرني الكبير
وقال فيه السطور
وحكى عن تربيتي
ال مدحها الكتير
ف عصر الٱسيه والأسى
قسمني الدكر بساطور
نسي أيامي ووقفتي
لما كعبله الغرور
بعت عليه هدمتي
وفرشت أرضي حصير
لأجل يوم يتعدل
ويرجع تاني للنور
لكن الغباء صنعته
مهما نصحته شهور
ٱه واه يازمن
لما تبيع وتجور
وتقلب الصح غلط
ويليق عليك الدور
كتير غنى للغلط
وغرد زي الطيور
لهمه خيبه الامل
ولا همه كلام الغير
تقرب منه تنصحه
يقلب ف ثانيه ضرير
ويعمل حد دكر
والكل عارفه زير
ضيع شبابه هَدر
حد ملهوش كبير
ضيع كمان ف الزمن
وامشي غلط يا امير
وخلي تاريخك عٍبر
لا ستر ليه ولا بير
ليست هناك تعليقات:
إرسال تعليق