ديوان أكاليل الإلكتروني لسفراء القلم

 ...............

محمد البراقي

.........

"مَشْكُورْ يَا سِيدِي"

كَنَهْدِي هَدْ السْطُورْ

لجلالة الملك

محمد السَّادِسْ الْفَارِسْ

وَلْكُلْ مَسْؤُولْ

خَدَّامْ الشَّأْنْ الْعَامْ

على بْلاَدُه غَيُورْ

وَالْقَارِي هَادْ المنشور....

مَشْكُورْ

يَا سِيدِي مَشْكُورْ

بَسْبَابَكْ خَنْدَقْ الزَّرْزُورْ

بْدَا يْشُوفْ النُّورْ

بَعْدْ مَا كَانْ مَهْجُورْ

الْبُّوكْلاَنْ كَتَحْفَرْ

كَتْقَلَّعْ الشْجَرْ

كَتْهَرَّسْ الصْخُورْ

وَالكَامْيُونَاتْ كَتَشْخُرْ

المُوَاطِنْ فَرْحَانْ ؤُمَصْْرُورْ....

مَشْكُورْ

يَا سِيدِي مَشْكُورْ

على هد الطريق لَمْعَبْدَة

ؤُقْوَادَسْ الما(ء) لَمْسَگْدَة

الغادي والجاي مَبْهُورْ....

مَشْكُورْ

يَا سِيدِي مَشْكُورْ

جْبَرْتِي خَاطَرنَاْ الْمَكْسُورْ

فَاجِيتِيهَا عْلَى حَالْنَا الْمَقْهُورْ

درتي لِلإِنْسَانْ

فين يَتْلَفَّتْ ؤُيْدُورْ

حَيْنَا عَادْ طَاحَتْ عْلِيهْ

اسْرُورْ.....

مَشْكُورْ

يَا سِيدِي مَشْكُورْ

رَاكْ على كل لْسَانْ مَدْكُورْ

الله يحفظك ويطول عمرك

الله ينجيك من الشْرُورْ

اﷲ يْخَلِّيكْ دِيمَا مَنْتَاصَرْ ؤُمَنْصُورْ:

17/5/2022

بقلم محمد البراقي