.................
نبيل عبد الحليم
.............
((ذكرى الحاضر))
وتعرف أية بيوجعني
ماصدقتش هيجي اليوم تكون ذكرى
ونفقد فيك أمل بكرة
وتصبح ماضي ويعدي
وجودك وهم ووهمني
بعادك درس علمني
كان حلم حلمتة وانا صاحي
وحلم كان بلا معنى
وكان يوحي على فراقنا
بعد ما دابت أشواقنا
أشواق الكدب يغزلها
ونقض العهد يغازلها
تتحنى بدم غزالها
وتشمت فينا عزالنا
برغم أن إحنا ما زلنا
نموت ونفدي أشواقنا
لكني هتوب وهتعلم
وألبس توب على مقاسي
وتحفظ سري كراسي
بلاش منها دموع الشوق
عشان باردة عشان عينيها كدابة
تمثل حب بزيادة
أصل الحب دا مشاعر
الوجد بية بيكون شاعر
مينفعش فية التمثيل
دقة قلب بتحسة
ونسمة عليلة بتمسة
ورعشة ايد مع التنهيد
بيبان اصلا على وشة
وشهقة شوق
تحيي أموات
وله علامات
عيون دبلانة عطشانة فيها حكايات
ومش كلمات مع كل كلمة سكينة
بتدبح فى كرامة الذات
دا صدمة عمري وجنيتها
وقلبي فى ألامة بات
ماعاد ينفع مع قلبي غير الرحمات
قلمي
نبيل عبد الحليم
١٩/٥/٢٠٢٢
ليست هناك تعليقات:
إرسال تعليق