ديوان أكاليل الإلكتروني لسفراء القلم

 ......................

.....محمد إبراهيم درويش....

...............

.........تعرفي .......

تعرفي انك ليا حياه

وانك ليا طوق ونجاه

وانك وقت الغرق الشط

وإن القلب معاكي بنساه

......

تعرفي انك ليا طريق

وانك راحه ف وقت الضيق

وانك ميه ف صيف تتحط

جوا القلب تبل الريق

.....

تعرفي انك ليا امان

من خبث الإنسان والجان

وإن الجرح اذا يوم اتلط

تبقي البلسم للعيان

.....

تعرفي انك ليا الجنه

واوهب دمي لايدك حنه

وانك راسمه لقلبي الخط

يمشي عليه لحد ما يتهنى

......

تعرفي ان حياتي معاكي

وإن القلب عايش لهواكي

وإن القلب إذا يوم خبط

يبقا النبض طالب رؤياكي

.......

تعرفي انك ليا الروح

مهما تكوني وراكي بروح

ومهما ف سري إداري واظبط

قدام عينك سري يبوح

.....محمد إبراهيم درويش....