..................
احمد محمود
...............
حكاية
بقت قصة ورواية
عرفت أولها
ومش عارف لها نهاية
حكاية بدأت بكلمتين
يادوب سطرين
مكتوبة مش مسموعة
قريتها مرة واتنين
وسرحت بين الحروف
ايام وليالي في السطرين
سمعت صوتها
من غير ما أشوفها
ورسمت صورتها في خيالي
حتي عينيها كنت بشوفها
مراقباني وبصالي
شبهتها بأمي
وكان تشبيه خيالي
علي فكرة ده حقيقي
ومش من نسج خيالي
وبدأنا في التعارف
بعد الفجر والنهار لاح
قولتلها اسمك ايه
قالت اسمي بينور
ويطلع مع الصباح
قولتلها شكلك ورسمك
قالت حذر فذر
قولتلها رسمتك في خيالي
قالت طيب أشبه مين
قولتلها أمي
بعتت لي صورتها اوام
وسبحان الرحمن
صورة من أمي بالكربون
فوله وانقسمت نصين
بنت أمي
بعت لها صورة أمي
قالت لا كده جنان
انا بنت الست دي
ومن وقتها
بدأت اغرب حكاية حب
مع ام العيون السود
خطفتني وسرقت قلبي
لكن خايف من النهاية
صدقوني دي حقيقة
ومش حكاية
احمد محمود
ليست هناك تعليقات:
إرسال تعليق