................
عبدالله رجب ابوعدنان
................
اتغيرو الحبايب.
عبدالله رجب ابوعدنان
ببص لنفسي وانا بين اقراني
الصحبه واللمه والضحكة الحلوه
لما شيبت وبعدت زادت أحزاني
يمكن العيب فيا لكن ليه القسوه
اتغيرو الحبايب أصحاب وقرايب
مع إن قلبي ف هواهم دايب
وم الجفا بعاني مر الشكوى
عشره العمر هانت
والنفوس وضحت وبانت
واغصان المحبه مالت
واتنسى الحبيب على سهوه
يا للي اخترتو الهجر والبعاد
ازاي يكون القاضي والجلاد
غريب سواح ف البلاد
بدندن بشعري اجمل غنوه
اتغيرو الحبايب..
عبدالله رجب ابوعدنان
٢٠/٤/٢٠٢٢
ليست هناك تعليقات:
إرسال تعليق