................
عويد الجميلي /العراق
.................
مارأيكم بهذه المحكيه الشعبيه العراقيه
( شهگتك )
ياأول شهگة نفس معگوده بروحي.
أنت اول عشگ يفتح بالگلب باب.
وأنت اول خطاب فتحته بمرسال.
منور ظلمة الليل من دون الأصحاب.
ياأول حبيب بصدك ينضرب أمثال.
ياقطعه معلگه بچبدي من ألأحباب.
يا احسن عشير ويا مهجة دليلي .
العانقت روحي ويا ريحة أطياب.
يا سكر عسل طعمك حلو لكل مُر.
ياهيل عنبر ياعطر تمن المشخاب.
يالسكرتني برمش عينك بلا خمره.
شوفتك مسحت كل زعل وعتاب.
يا أحلى نغم أسمعه بكل انصات.
يا شمعة ضواي ويا أرفع أنساب.
يابلبل هواي يغرد على الأشجار.
ياأعذب نسمة فجر هبت بأطناب.
وياطيف مر بحلم وبليله شتويه.
ويا أحلى اسم يتدون على كتاب.
شهگتك انا بعمري ما ناسي شهگتك .
ٱخر أنفاسي وأضنك تعرف الأسباب.
إخترتك حبيب إلي وگلت هذا الحب.
جرفي انهدم وما حسبتلي حساب.
خلتك تحب بصدگ وأنت مو يمي.
وإنت سبب علتي موش من الأغراب.
إرجع حبيبي إرجع وداوي لي جروحي
حتى أشمك واگولن هسه الجرح طاب
_______________"_____
بقلم عويد الجميلي /العراق
ليست هناك تعليقات:
إرسال تعليق