.............
محمد عباس
..................
ارحموا الناس الغلابه
.............. .......
بقلم الكاتب
محمد عباس
الاسماعيليه
..................
ارحمو الناس الغلابه
من شوية ناس ديابة
كل مرة تبقي عادة
يرفعوا الاسعار زيادة
والفقير عايش في غابه
ع الرصيف وع الزواده
ارحموا الناس الغلابه
اللي عايشين في نحور
مرة بنزين مرة نور
كل يوم واقفين طابور
علي البطايق والمرور
في المدارس والقبور
والمعيشه في الجحور
والمتاهه في كل ساعه
والاشاعه في كل دور
طال السمك جوا البحور
دنيا عايشه بالف جور
ارحموا الناس الغلابه
اللي عايشين في كآبه
كل يوم القهوه ساده
ارفعوا عنهم غلاء
مدوا اياديكم رجاء
خففوا كل العناء
ابعدوا منهم بلاء
وفروا حق الدواء
ازرعوا حب ونماء
انشروا لحن الوفاء
ارحموا الناس الغلابه
زادت العثرة وعصرت
زلت الانفاس وكسرت
بددت اوهام ودحرت
ضيعت احلام وقهرت
ارحموا الناس الغلابه
من شوية طماعين
الغلابة تروح لمين
تشتكي يزيد الانين
والبكي واقع لعين
ذنب دام للمساكين
في السجون والزنازين
ارحموا الناس الغلابه
اللي واقفين في الحارات
واللي عايشين في البارات
واللي راضين ع السكات
من شوية ناس عاهات
ارحموا الناس الغلابه
كل مسكين كل جائع
حقه ضايع في المصانع
فرد قانع قالوا طايع
واللي شاري واللي بايع
هات لي دخل حد سايع
حد حاسد اوحقود
حد صاينها للعهود
حد واقف ع الحدود
حد شايف كل جود
بوسه حلوه ع الخدود
حق أولادنا يعود
في ميراث بدون قيود
والعداله في الجدود
والنظام بدون سدود
والبديل حبة قروض
ارحموا الناس الغلابه
اتخنقنا نجيب منين
كل دعوة نقول امين
دي رسالة كل دين
ذوي القربي والمساكين
والزكاة راحت لمين
ع التسول والدجالين
ارحموا الناس الغلابه
المقاطعه كل يوم
للفراخ ويا اللحوم
والاواني والهدوم
برضه زادت الهموم
نفسي نفرح من قلوبنا
حد مخلص شال عيوبنا
والا فاهم ايه ذنوبنا
الغلاء زايد في كرب
مرة تهديد كله ضرب
معدة الناس الغلابه
مستعدة لاي كرب
حرب في كل البيوت
تنسج خيوط العنكبوت
والعقول جوا التابوت
هتشوفوا حل اونموت
لاجل ننهض اونفوت
ارحموا الناس الغلابه
مسؤلية مين في بلدي
في قطاع الخاص وعام
شد حيله ب١٠٠ لجام
والرقابه في كل ان
لاجل قبضه ع الجبان
باع ضميره في الميدان
هي دنيا وكله فان
ارحموا الناس الغلابه
اعدموا كل الديابه
وزعوا رز وصابون
اطباق بلاستيك والافوم
بلاها اسماك اولحوم
قرص طعميه وليمون
فول فلافل في الصحون
ده روتين في كل يوم
ارحموا الناس م الغيوم
طقس بارد اوعيون
هي موجه اوظنون
الدموع جوا الجفون
صرخه لكل الجنون
ارحموا الناس الغلابه
استيراد من مين ياساده
صادراتنا في زيادة
دون جبايه او عياده
والحماية لمين قولولي
الزواج موضه قديمه
في مسلسل والاسيما
فكرة سذجه وقل قيمه
الجنيه جوا القسيمه
خلع في عدة ساعات
في المحاكم والقاعات
والضرائب ع البيوت
اما تسجن اوتموت
ارحموا الناس الغلابه
ليست هناك تعليقات:
إرسال تعليق