...............
عبالحميد سالم
................
( صحة وستر ) م/عبالحميد سالم
نقعد مع نفسنا ونعمل حصر
لينا كام حسنة علينا كام وزر
نصلى ونصوم نسبح بذكر الله
نعمل الطيب ونرميه ف البحر
****
رزقنا مضمون بس محتاج نسعى
نتواضع دا كلنا فيها ولاد تسعة
نجبر خاطر أو نكفل طفل يتيم
أفضل من أملاك الدنيا الواسعة
****
نوصل رحمنا نزكى على المال
بلاش نخاف على ورث عيال
يطرح الرحمن لينا فيهم البركة
وربنا يصلح لينا وليهم الأحوال
****
كله ف دنيتنا محصل بعضه
ساكن قصر أو نايم على حصر
أخرتنا إيه ؟ غير متر ف متر
ف اطلب من ربك صحة وستر
ليست هناك تعليقات:
إرسال تعليق