.................
وحيد محروس خليل
...............
إكسر جناح الظلم
إكسر جناح الظلم
لو يوم عليك إستقوى
وإروي جذور الحلم
وخليك دايماً الأقوى
.......................
وقول الحق دايماً
ولو كان على نفسك
ولا تخاف يوم الملامة
للضعف يسكن قلبك
......................
خليك في طريق الخير
دايماً الأسبق
وراعي شعور الغير
وإحساسك يكون الأصدق
........................
حب الحياة لكن
متآمنش يوم ليها
دي مهما حليت في عينك
عمرك ماهتحلى ف عينيها
....................
إقنع تمام وأتأكد
ما هيصيبك إلا نصيبك
وإللي كان يوم عدوك
هيبقى صاحبك حبيبك
.....................
أحكم لجام لسانك
وروضه كأنه حصان
ولو عاندك مرة وخانك
فكما تدين تداااااان
.....................
رد الحقوق لأهلها
ورد كمان المظالم
ياما قلوب بتناجي ربها
وبتدعي على كل ظالم
.....................
إياك ومال اليتيم
في البطون كأنه نااااار
سبحانه بالأسرار عليم
وإللي على الغلابة جار
.....................
حاسب من دعوة المظلوم
بيهتز ليها سبع سماوات
دا النصر جاي وليه يوم
بالوعد في كل الرسالات
....................
إكسر جناح الظلم
بقلمي
الشاعر/ وحيد محروس خليل
ليست هناك تعليقات:
إرسال تعليق