..................
مصطفى عبد النبى
...............
ياليل يابو السهاري الحيرانين
قولي منين ضي القمر يبزغ حنين
ومنين يجي اللقا للعطاشى المشتاقين
ومنين يبقي زرع الحصاد امل لليائسين
الواد راكب دماغه مش ناوي
يرسم الضحكة على وش الحزين
ولا ناوي خير للغلابة الشقيانين
علشان عتريس رافع سلاحه
اللي اشتراه بدم الفلاحين
وكل رشدى راكب حصانه الخشب
وعامل فارس ماهو عصر الخيبانين
وفؤاده واقفه بتلملم حبات الخير
وتنادي ياخلق مين
مين عصى الولد وياعيني عالولد تاه منه الطريق
والصحبه الطيبين
عاشق فؤاده من وقت قلبه ماكان مليان بالخير وزين
اصحى ياعم العشق باطل والخير ميتكيلش بمكيالين
اوزن امورك وارجع لطينك لحسن الكيل طفح كيلين
رجع فؤاده لاهلها واطلق سراح حلمها
اللى استعصى طول السنين
ده الخير كتير والحصاد وفير لولادها الطيبين.
مصطفى عبد النبى
ليست هناك تعليقات:
إرسال تعليق