................
وائل أصيل
.............
(هيه دي مصر )
انتو عارفين
مصر دي ايه
مصر هيه الاحتمال
ضهر شديد يتحمل
عمره في يوم مااتألم
مااترباش على أرضها
عيال مصر ربت رجال
شكلهم شكل الجبال
ده حتى في لحظه انكسار
بتخفي الليل وتخليه نهار
مصر دي نكسه وهزيمه
وقلوب مليانه عزيمه
في عز خوفك تلقاها
تخطفك وتأمنك وتبقى
انت حاسس بانبهار
دي بلد مهما اللي
فيها دوخوك وزعلوك
تلقاها جايه تطبطب عليك
وتبعتلك اللي يريحوك
تركيبه غريبه وحنيه عجيبه
لو كل الدنيا قالت صعيبه
ومش هتنفع وبقيت عويصه
تلاقيها جايه تضحكلك
وتقولك بسيطة
حضنها دافي مهما
الليالي كانت سخيفة
مصر شايله الأحمال
وأهلها ميعرفوش المحال
أرضها طينه سوده
متغمسه رجوله وهيبه
حتي حريمها وهم
لابسين الطرحه السوده
تلق في قلوبهم عجينه
متغلفه حب وطيبة
ماتسألش عندها عن
التاريخ ولا اللي فات
أصل التاريخ على
جدرانها وفوق شوارعها بات
فمش محتاجين تاريخ يدون
ولا حتى كتاب يتألف
ولا كاتب يكتب وعلى
الفلوس يكوش ويحوش
ولا اعلام كداب يهول
محتاجين بس قلبها
هوه اللي يهون
مصر ياساده تحت
راس ولادها وساده
وحبها في قلوبهم عباده
وعلى أعدائها مهابه
مصر فوق الاحتمال
مصر ولاده جبال
مصر لو تسبوها في حالها
هتبقي عال العال
تأليف //////. وائل أصيل
ليست هناك تعليقات:
إرسال تعليق