...............
عبدو شويحة.
...............
بغيت ترحل عليا روح ربي يسهل
مانحتمش عليك باه معايا تبقاي
شبعت مني وحشمت تقول نرحل
بغيت تمشي وهذاك هو ماتتمناي
طريقي معجبكش مابغيتش تكمل
جات حياتي صعيبة نقولك باي باي
علاه تقول فالاول محال فيك نسبل
تكلمني صباح عشية و كتاه ليا جاي
فرحتي بيا كي كان جيبي معمر يهبل
وكي طاحت بيا اليوم قررتي تتخلاي
النساء لي كيفك مايسهلوا كيفي راجل
لازملك واحد كذاب وبلعاط باه تتهناي
خليفتي على ربي ذاك يعوضني نسهل
يرزقي بفحلة وانت فداركم راك تبقاي
نحلف لابقيت ندير لمان نزيد نستعقل
مكتوبي راه غير بسياسة وشفتوا جاي.
كلمات: عبدو شويحة.
ليست هناك تعليقات:
إرسال تعليق