.................
هشــــام عـــلي
.............
لا وفرحانة ؟!!!
فرحانة جداً ؟؟؟!
لا بتقولي طعم الفرحة
..... زي السكر !!!
زي الريح بنسايم عطر
..... لأجمل منظر !
كان لونه أخضر
نفس اللون لزرعنا لخضر
جميل ومرعرع
منه ما نشبع
ومين أنا عندك ؟!
يا اللي الغدر دا شئ من طبعك
كل سعادتك تبقى دي إيه
وأنا بشتاق لك
لا وباسمع لك
تيجي مراتع يومي الحالم
ولما أشوفك أعمل نايم
يمكن تيجي وتصحيني
أفرح بيكي وترضي شجوني
ولاتيجي مرة وأصبح نادم
بس بجد !!!! ....
علمتيني أكون ليكي وحدك
أجري عليكي واصون لك وعدك
وأكتب إسمك فوق ع الصخرة
أبقى محمد وإنتي الشهد
رغم أنا شايف إن دا كدب
وأنا متأكد إن دا مش حب
حاسس إنك كما أمشير
فيكي زوابع وكمان أعاصير
نفسي أشوفك زي غدير
جاية بحب ولابسة حرير
________________________
المهندسين ١٣ ينــــاير ٢٠٢٢ م
لا وفرحـــــانه
شـــعر : هشــــام عـــلي
ليست هناك تعليقات:
إرسال تعليق