................
شرف الدين فاروق أحمد
...............
(طبع البشر)
بنفضل نقول...........أماثل
ونحكي ع الفضيلة
أهو دا إللي بيبقي حاصل
وقلوبنا ياناس عليلة
بندي كتير دروس
في العفة وفي الشرف
وع الغلبان ندوس
ودايماً................نختلف
نيجي في لحظة غضب
يظهر بيننا العداء
وف لحظة ينكشف
كل اللي عنده داء
وبتكتر المشاكل
وبنلجأ للقضاء
يعمل مابيننا فاصل
بندي كتير دروس
في العفة وفي الشرف
وع الغلبان ندوس
ودايماً................نختلف
وأهو دا إللي بيبقي حاصل
.........
ظلمنا كتير في بعض
وضيعنا الأمانة
بنعض في بعض عض
وبنمشي علي هوانا
بنشوف الظلم أسهل
وبنرضي بيه ونقبل
ونقول ع الطيب أهبل
والظالم يبقي عاقل
بندي كتير دروس
في العفة وفي الشرف
وع الغلبان ندوس
ودايماً................نختلف
وأهو دا إللي بيبقي حاصل
.......
لأ والغريبة ساعات
نتفرج ع الأخوات
لو غاب في لحظة كبيرهم
يظهر مظلوم وظالم
يبان قوام..............تغييرهم
مايشغلهم........مظالم
ع الحب الكره يسود
والعند يكون مقصود
من بعد ماكانوا حبايب
بقوا يجروا في المحاكم
تعمل مابينهم فاصل
بندي كتير دروس
في العفة وفي الشرف
وعلي الغلبان ندوس
ودايماً................نختلف
وأهو دا إللي بيبقي حاصل
الشاعر/ شرف الدين فاروق أحمد
ليست هناك تعليقات:
إرسال تعليق