...............
وحيد محروس خليل
............
(( ليه ؟؟؟ ))
ليه بقينا جاحدين
والحقد معشش فينا
لا شرع قال ولا دين
إننا نكره بعضينا
دا الحال عمره مايتغير
إلا لما نغير نفسينا &&&
&&&&&&&
الأخ بقى يكره أخوه
والإبن عاق أمه وأبوه
ونسي فضلهم عليه
وتعبهم وإزاي ربوه &&&
&&&&&&&
وكمان الأخ مقاطع أخته
وباعد بمزاجه وراحته
وجايز مراته منعاه
لاتشد البساط من تحته $$$
&&&&&&&
والجار بنغير ليه منه
وبنحقد عليه إكمنه
رزقه ربنا وعطاه
ناكل لحمه ونشرب دمه $$$
&&&&&&&
بقينا عايشين في غابة
وبنمكر كما الديابة
الله يرحم زمن اللمة
الله يرحم زمن الطيابة &&&
&&&&&&&
بإيدينا نخلي الدنيا
جميلة ومانحزن ثانية
والحب والخير يجمعنا
ماهي الدنيا زايلة وفانية &&&
&&&&&&&
ونتمسك بعقيدتنا ودينا
وكفاية رخصنا وهونا
ونعتصم بحبل الله
زيي ما قرآنا أمرنا &&&
&&&&&&&
هتبقى الدنيا فرح وأغاني
وهتطرح في قلوبنا الأماني
ويجمعنا حب وإخلاص
ونعيش في سلام من تاني &&&
&&&&&&&
إيدي في إيدك نبني حياة
دا الأمل حلو يامحلاه
وكل شيء ها يهون
لما الحب يكون في الله &&&
&&&&&&&
لييييه ؟؟؟
بقلمي/ الشاعر وحيد محروس خليل
ليست هناك تعليقات:
إرسال تعليق