..............
د.محمد حلمي البراجه
.............
زمان
راحت فين ايام زمان
أيام أمي وأمك والجيران
وعيش الفرن ريحته في المكان
ووش البرام طعمه علي اللسان
أيام ماكانت البساطه العنوان
كان كل حاجه طعمها جنان
والقعده الحلوه في الغيطان
والشاي على الراقيه بعد الأذان
والصحه مع البركه في الأبدان
وفي السهره كلنا قدام تلفزيون
كلنا جنب بعض مرصوصين
وبغطا واحد كنا ملفوفين
وبابور للشاي في الاوضه جاهزين
واللمه كانت حلوه ومبسوطين
الله يرحم أيام زمان
وعليه العوض في اللي كان
د.محمد حلمي البراجه
ليست هناك تعليقات:
إرسال تعليق