...............
عبدو شويحة.
..................
ملي جات عيني فعينك اتسحرت
تشغشب عقلي ماعرفت واش بيا
سباني يالزينة زينك زدت تحيرت
شوف نضرات عينيك مادارت فيا
جيتك لدارك القناني فيهاطبطبت
ماجاوبت ولا رديت يا فاطمة عليا
تغيرت مابقيت مثل زمان وتبدلت
جفيت بعد محبة وانت ذيك عينيا
حبيتك بالنية وزدت عليك اعزمت
بغيت نديرك زوجة ومرتي وحلاليا.
ماعرفت واش غيرك ولا انا تغيرت
وليت نحسك بعيدة ماك قريب ليا
كنت ماتصبر على فراقي لاتغربت
اليوم وعلاه مابقيت اتسول يابنيا
غرك زينك وكثروا معجبيك افهمت
حسبت زينك يخلد تبقاي ديما حيا
هانت عليك العشرة العقلية فلست
وراح شانك وراها طفرت فيك انتيا
كلمات:عبدو شويحة.
ليست هناك تعليقات:
إرسال تعليق