..................
محمود قطب زايد
....................
وبأنام وحدى
وفى عز الليل
وفى العتمة
بأسمع دبيب قدمك
وبأحس بهس أنفاسك
وبألاقى خيالك بيحضنى
وبتقولى بكل حرارة الكون
دفينى لأنى حاسة فى بعادك
بنوبة برد .......غطينى
أقوم واقف
وأحضن فى الهوا طيفك
أحس برعشة بتآخدنى
معاك لبعيد
أغنيلك وجوه عظامى أحفرلك
ياروحى سرير
وأفرد رمشى
واندهلك تعالى هنا نامى
مابين قلبى وبين عضمى
وجوه وريدى أنا شايلك
وبأخاف عليك
من نفسى ومن طيفى
لحسن تحسى فى لحظة
وأنا وياك إنى ضعيف
أنا بأبقى لما بأشوفك
تقول شمشون
أقوى من أى حد
بأرض الكون
ولما بأشوفك
بأحس كأنى لسه جديد
برئ خالص
أوأنى ياروح الروح
لسه وليد
بأحب الدنيا بمرارتها وقسوتها
وبأنسى الماضى
لأنى معاك
محمود قطب زايد
ليست هناك تعليقات:
إرسال تعليق