..............
إسماعيل البلبوشى
................
قصيدة بعنوان / صوت الحق
حاولت كتير تبان مبسوط
وتخبي الدموع فعنيك
فقالوا عليك عايش فالدور بتمثل
قدامهم متماسك جداً ولا شيء يعنيك
فقالوا أزي ماسك أعصابك مظبوط
الأرض تدور وأنت ثابت ومتسلسل
وبين نفسك ضعيف وفالدماغ مخبوط
من غير صوت دموعك فالخفي تنزل
فيدبل وردك ودموعك الكون تغسل
بيبصوا عليك بالعين هيتجنوا هيتشلوا
قاسين ولا بيحنوا بيزيدوا كره ويغلوا
وبيسألوا وبيزنوا هو أزى قوي كده؟
و متماسك بعد كل اللي حصل له
ضحكتهم صوتها بيهدك
ومفيش يد تحضن يدك
ومفيش حد منهم بيودك
والكل كان فيك زمان بيتغازل
ولما وقعت بقيت نكره
شالوك يا طيب من الذاكرة
نسيوا أنك صاحب الفكرة
أنت الأصل وعمود المنزل
فياريت كمان ما ينسوش
أنك صاحب البيت والباني
ف أزي أتلغيت بقيت جاني
غصب عنك مشيت بتعاني
صعبت عليك نفسك وبتعزل
أصرخ يا صوت الحق يا متخزن
أصرخ ولم الخلق وهات الحق متزين
وقول للظالم ما تفرحش الغضب نازل
ماتفرحش والأمور أوزن
كلمات وأشعار إسماعيل البلبوشى
ليست هناك تعليقات:
إرسال تعليق