...................
.عدلي جعران شاعر الشوق
...................
.......انسرقت يا عمري مني....
انسرقت وسرسبت مني......
كنت فاكر إنك طويل.....
راح شبابك في نهار وليل.....
وأبيض شعري....ودبلت مشاعري....
واحاسيسي تاهو عني......
انسرقت يا عمري مني.....
انسرقت وسرسبت مني....
انسرقت.وياما انجرحت...
ولا دقت مره طعم فرح ....
وحزنك فيا .. طارح طرح.....
وبدون تفسير ولا شرح.....
السعد دايما بيخاصمني. ....
شفت فيك قليل أصيل..
الاغلبيه كانو ب ديل.......
والقلب صار منهم عليل ...
وكنت هتحول لولد ليل.....
وزكر ربي إللي رحمني.....
انسرقت يا عمري مني.....
انسرقت وسرسبت مني.....
كل يوم أنا عشته فيك ....
كان يتيم جمال لياليك....
ومن جفاك إللي اتعود عليك...
كنت أحس...
بألموت محاصرني....
انسرقت يا عمري مني....
انسرقت وسرسبت مني....
ياما فيك عملت زنوب.....
وأرجع لربي نادم واتوب....
عشتك يا عمري في التمني......
حلمت فيك حلم واحد....
بقلب واحد....في حب واحد...
وراح لغيري وغصب عني......
انسرقت يا عمري مني....
انسرقت وسرسبت مني.....
شيلت فيك هموم كتير.....
أحلي ما فيهم كان عسير......
حفرت لك في روحي بير.....
خزنت فيه حسي وفني......
انسرقت يا عمري مني.....
انسرقت وسرسبت مني.....
والمصيبه إن مأمنلك.....
وبحلم تنول الحته إللي منك......
ومهما زاد عمرك وسنك ....
مش همل من التمني......
إللي مصبرني يا عمري عليك....
إن مفيش حاجه بايديك.....
كنت حزين أو متهني.....
انسرقت يا عمري مني.....
انسرقت وسرسبت مني....
ورغم انك سنينك جفاء.....
وجزئتني إلي أشلاء.....
وسكنتني في أرض خلاء....
دايما في ربي حسن ظني.....
وحتي يا عمري لو انتهيت.....
وبأعلي سرعه لربك جريت.....
هحلم بالجنه سكن وبيت....
أصل من ساعة ع الدنيا ما جيت....
كان دعايا...اللهم أرضي عني....
ومن رضاك ما تحرمني....
انسرقت يا عمري مني....
انسرقت وسرسبت مني...
بقلم..عدلي جعران شاعر الشوق
ليست هناك تعليقات:
إرسال تعليق