..............
/نجوى رسلان
................
عَلينا يا دنيا ما تهدِّي
مامعاكِ العمر بيعدّي
موَّال حياتي يسبقني
يِملى القَنَانِي توجعني
ده إحنا مجرد رواية
وسبقنا كتير حكايات
فكراهم من البداية؟
و اللّا نُقول ذكريات
طَب فاكرة عم سعيد
و الضحكة مِنُّه عيد
مهما اللّي جُوّاه مات
ماشي يداوي الأهات
طَب فاكرة السِت بهانة
وشقاها كان لُه علامة
في كل دمعة ثبات
وماتت من سُكات
طَب فاكرة أم الخير
وسعاد وحسن وسهير
فاكرة ليهم إيه؟
وهتفتكرينا بإيه؟
ولما يجي يومنا
هتقولي علينا إيه؟
أمِّنتك ليَّ أمانة
لما نصير حكاية
ابقي اذكريلي الخير
ابقي اذكريلي الخير
بقلمي د/نجوى رسلان
#نجوايا
ليست هناك تعليقات:
إرسال تعليق