..............
المحجوب بوسبولة
.....................
////////+++سوق لمعاني+++////////
سرجت خيلي ف حركة لكلام
بخيالي سافرت في لحلام
خطوة خطوة لسر لمعاني
وانا للي ماشي لعنواني
من شلال الهضرة روينا
من احلام لقصيدة سقينا
وتسوقت من سوق لمعاني
وخديت الكيلة غيواني
من السربة فيقت حروفي
وطفيت لهفي بسر مالوفي
هكذا شدات لحروف طريق
وعبيرها درتو طيب وصديق
وبلى ميعاد رفرف لحمام
حوم في سرب ثغريد لغرام
شرقت شمسي وسط حبابي
وجلوس خادني لعز صحابي
سلمت نفسي لبساط لحروف
بمحبة ولقيت المخلوف
من شلال لكلام اكتبنا
من لخيال سرنا وحملنا
لحروف ترفرف كيف بغات
والعشاق تعلمت لهجات
فوق عودي ونسيت منين جيت
نقسم بالاتي ماتخبيت
بقلم صقر الحروف الزجال المحجوب بوسبولة
ليست هناك تعليقات:
إرسال تعليق