.................
صلاح الفيداوي
.................
====== جنتك. ======
انا شايف جنتك بخيالي
وبسحرها العالي......
وبوردها المعهود....
شايف جناين حبك
طارحه ورود عليها ورود
وليها عطر في النفوس موجود
جنتك بساطة وطيبة
ولهفة قلب علي المحبوب
ويبقي علطول ليك مشدود
الجنه حنيه وخوف
ويعذر في كل ظروف
هيه دي الجنه
وهوه.دا الحب المنشود
وانا معاك دنيتي وياك هنا
فيها الهنا ....
فيها الضحكه ماليه المكان
وسعادة ماليها حدود
جنتي في عنيك
تبص عليه بحنيه
وبنظرة رحمة ومحبه
وبسمتك ماليه الخدود
والوش منور مفتح زي الورود
جنتي براح حتي
لو.كنت بضيقة
والرضا ساكن قلوبنا
طارد اي جحود
جنتك مهياش
فيلا وسيارة
ولا حتي طيارة
ولا مالكين عمارة
جنتنا قناعة ورضا
بالمقسوم وعارفين
الرزق عند الاله متحدد ومحدود
الجنه ضحكت بنتنا
ابننا فيها براءة
وقلبنا يكون مسعود
الجنة براح قلوب
ورضي بالنصيب
وشكر واحد.أحد معبود
تحياتي
بقلمي
صلاح الفيداوي
القاهرة
1/10/2021
ليست هناك تعليقات:
إرسال تعليق