...............
زينب سليم أحمد
..............
(((((((
البُعاد
)))))
================
وقت بعادنا عن حبايبنا .. بيفوت قاسي كمان وبطييء
أفكارنا تاخدنا وتجيبنا .... وتوهنا في أي طريق
وبحور خوفنا نقول ننساها ،، ونخطي حدودها ومداها
بس أملنا تايه جواها .. زي النقطة في بحر غريق
قالوا البُعد ساعات بيقسي ... ويبين نوع الأشواق
بس الأيام مش بتنسي .. طعم اللهفة بين العشاق
مهما بعدنا لازم نتلاقى .. بقلوب ملهوفة ومشتاقة
ومشاعر صادقة وبراقة .. ولا يوم تستسلم لفراق
القُرب صحيح بيطمنا .. ويحسسنا بكل أمان
والخوف وياهم بيسيبنا ... وينسينا سنين حرمان
بس البُعد دا شييء ومقدر .. بيخلينا تملي نفكر
إن الغيبة أكيد هتأثر .. وهتزرع فدادين أحزان
بس أكيد للغايب عذره .... لو بإيديه ولا ثانية يغيب
يمكن بيكون ذنبه ووزره .. . إنه إتعود يبقى قريب
بس ظروفه ساعات بتعانده .. إنه يكمل وياك وده
أصبر دايما واوعى تصده .. وكون لجراحه احن طبيب
================================
بقلم. // زينب سليم أحمد
ليست هناك تعليقات:
إرسال تعليق