...............
المحجوب بوسبولة
.............
////////+++ياسبحان الله+++////////
صبحت عليك ياعز حروفي
ف خيالي بايحة مالوفي
والذكري شارقة كيف زمان
والصحرة لمكان والعنوان
والبسمة في لوجوه ظاهرة
عين الحاضي ديما ساهرة
سجل ياتاريخ سر التحرير
ماشفتي والباقي تيسير
زولنا احدود وهمية
وللي درت كان واجب عليا
ومشينا ف مسيرة خضرة
بيها رجعات لينا الصحرة
حطمنا مرارة داك لفراق
لحبابنا حملتنا لشواق
امشينا رجال وعيالات
بمحبة حاملين رايات
ياك بلى سلاح وبلى قرطاس
غير بفكار الثاني سيد الناس
ياسبحان الله عرفنا صديق
وللي لينا وصفاوة طريق
غادين فوق رمال جدادنا
بالشوق قائد شعب معانا
وكتاب الله ياك فيدينا
والله بعيونو حاضينا
شاهدة نخلة وديك جريدة
ومرافقانا دول عديدة
لحبابنا حاملانا لشواق
ف سفينة البسمة ولشتياق
فرحة بدفء رمال الصحرة
في هذ لمسيرة الخضرة
كبرنا وصلينا على نبي
وارتاح لي الخاطر ونبض قلبي
بقلم صقر الحروف الزجال المحجوب بوسبولة
ليست هناك تعليقات:
إرسال تعليق