.................
المصطفى نجي وردي
...............
...........كلام البراح .........
اليوم..
كيقول البراح
فين المجتمع
والمجتمع المدني
وفين السياسة ولحزاب
كثرت الناس
واكثر معاهم الهم
و لعذاب..
كثرت لحزاب وهي تجري
ورا الظلمة والضباب
تجري وتلهث
وتنسى العمل بالاسباب
شهرو السيف ف وجه ابنادم
وتهمو الزبال والحطاب
وكل انهار يفوت
وف البرلمان تسمع سؤال
وتسمع تفنطيزا وجواب
تسمع اكذوب
وتسمع صح
ْواش تْيٌَق بن آوى
ولا تيٌقْ لغراب؟
وف البرما ما بان
شي احضر ناعس
وشي اسكر وغاب
ياك كيقولو ساداتنا
الله يرحم من جا وجاب
ْياك أسٌِي مَلٌَوَل
الأمل فيك اخسر
وخاب
اظهرت بعربونك
وحيطك ف عينينا اتْهَدٌمْ
وراب
والخيط اللي خيطت بيه
اغبر ف لغرازي وذاب...
يا الغافل..
يا النٌَاسي
راك مسافر
وتخلي كلشي ف لقراب
يتخاطفو عليه
وينسفوه
ويبقى ليك العافية ولعذاب
يسولك عزراين
فين الأمانة
فين الشباب
فين اللي انهبت
فين اللي ليك ف الحياة
لذ وطاب..؟
ادخل جهة ليسر
أدخل من هاذ اكحل لبواب
أنت متهوم
وانت اللي اسرقت التراب
وادعاك اليوم حتى الكراب(ك منقطة)
يا أسي اصقر الخنشوش
يا ولد النفخة ولفشوش
اديت كلشي
ما خليت للمسكين
لا احصيدة ولا ببوش
المصطفى نجي وردي28\102021
ليست هناك تعليقات:
إرسال تعليق