..............
محمد البراقي
...............
"توحشتك يا بويا"
توحشتك يا بويا
على خدودي سالو الدمعات
توحشتك يا بويا
ما ظنيتك تفارق الحياة
كنت صاحبي وخويا
ما عمري ننسا دوك الدكريات..
ربيتيني يابويا
على الصدق ؤلوفا
نوقف ف الشدات
وصيتيني انحن ف الناس
ما نتشفا
نقلل لكلام ؤنكثر من اسكات...
سامحني يا بويا
يا زين الضحكات
حبك راه ساكن الدات
ما عمر حروفك
عليا تخفا
ولا صورتك بين عينية تبهات...
توحشتك يا بويا
ماكرهت نشعل
على قبرك شمعات
جيتيني بعيد
بيني وبينك كيلومترات
الله يرحمك يا بويا
ويجدد عليك الرحمات:
24/9/2021
بقلم محمد البراقي
ليست هناك تعليقات:
إرسال تعليق