.................
فتحى ابو سلطان
...............
حرب خفيه
********
ناس تبنى وناس بتهد
وناس ترخى وناس تشد
وناس تعطى دون حساب
وناس الكلمة عليك بتعد
دنيا ما بين غالب مغلوب
تفتح باب عشرين تنسد
شايل هم الدنيا وحدك
قد ماتطلب عون تنصد
دنيا الغاب فيها تغتاب
كل اللسان عامل منجد
الكل بضرب ظهر الثانى
ماحتلاقى حد يصد
هذا عهد الردة بعينه
اخر زمن ما عاد فى جد
قل الخير فى اهل الدنيا
كل ما نصلح جيل يرتد
حرب علينا بيد خفيه
تطعن فينا بغيض وحقد
عاوز يمزق شمل الامة
يقطع وصل الاب بالجد
بقلم فتحى ابو سلطان
2021_9_11
ليست هناك تعليقات:
إرسال تعليق