.................
..............
بنت الشيــوخ اللـي تضيف المعازيــم
تسـوى مئـه رجال في غياب اخوانها
وان غــاب ابــوها وكـــل المحاريــــم
مثل الجبال الشاهقه توقف لضيفانها
تــذبح وتكــرم والعطايا مثلما الــغيم
وين ماتجدها تثبت وجودها ومكانها
اجدادهااهل السلاح الابيض والعماعيم
وافعالــها تسبـــق اقـوالها وحصانـــها
تطعـــم الـعابرين المساكين والــيتيم
تتفقــد احـــواله وحـــوال جيــــرانها
عـــز الله اني ماشفت مثلها حـــــريم
اعتـز بها وفخـــر بالبطن اللـي جابنها
شيهانه وبنت اجاويد ماتقبل الضيم
عـــــز وفـخر بين القبايــل وعــربانها
تجمـــع الــحاضر معا الزمن القـــديم
الطيب مـــن طبعها والــكرم عنــوانها
ماهي منهل المكياج وصحاب الكريم
العطر اخلاقها وجمالها دينها وقـرانها
ياكيف انسا ملامحهاونسناس النسيم
يـوم اقبلت نحــوي وصبت فنجانــها
طاحت عيــوني بين عين ومباسيـــم
ووردها المزروع في وســـط اوجانها
كنها البدر من حولها النجوم مزاحيم
مــن شافها نظــــره ما يفارق اجفانها
الشامخـه الــنادره بين غــزلان الـريم
ربي خلقها جميله وزاد فـــي اتقانــها
مثل السنه فيها جميـــــع المـــواسيم
ربيع وصيف وخريف وشتاء احظانها
مـــن يومها ونا في بحر الهــوى اهيم
عايش حياتي بين شـــوارع اوطـانها
في وسط قلبي قد سكن حبها مقيـم
لا روح تعشق غيرها ولا قلب خانـها
قلـبي عشقهــا وروحــي لــــها تقيـــم
كل يـــوم الــف حفله فــي ميدانــــها
يالله طلبتـك ونت المعطــي الكـــريم
تجمعني فيها وقطف الوردمن بستانها
ليست هناك تعليقات:
إرسال تعليق